ست البنات

موضوع: ست البنات الإثنين 26 أبريل 2010, 2:01 pm

دقه
خلخال ورنه كعب عالي

سمعها شاب في حارتنا

وبص علي صاحبتهم وحُسنها

ولما طالت بصته لمحته

وبنظره منها هي دق قلبه وابتدت لوعته

ومع كل دقه من خلخالها

علي كل دقه من دقات قلبه

طولت حارتنا وكترت خطاوي الصبيه وخطوته

فستانها احمر عليه شال اسود حرير

بصنعه رقه منها وقع شالها

وبسرعه جابه العاشق وبدأ الكلام

شالك يا ست البنات

خدته من سكات

وبخجل واضح بعيونها وبس شكرته

وبعدت عنه وبكده حس انها صدته

سرعت خطاويها وهو بلهفه سرع خطوته

رايحه فين يا ست البنات

سألها بشوق والخوف باين علي نبرته

سكتت وفتحت باب وبصت للعاشق وبعيونها ضمته

وقبل ما تقفل بابها عليها شكرته

تشكر يا جدع

فرح قلبه ولسه هينطق بلوعته

بابها قفلته

ومن يومها وهو بيعدي من تحت بيتها

بعيونه بينده ع اللي بخجلها ملكته

بيخبط علي بابها ,بس لا حد بيفتح ولا حتي يرد

كإنها حلم

سراب عدي وبجمالها خطفته

يارب ف يوم يلاقيها صاحبنا

ومن تاني ترجع ضحكته

» طرق قتل الملل عند البنات........
» تعالو شوفو لغه البنات
» انواع شخصيات البنات
» اشياء تضحك البنات
» شخصيات البنات حسب اسماؤهم