كاااااك دووور KaK Door

كاااااك دووور KaK Door







ليه كل واحد يقعد يدور علي واحدة معينة بصفات معينة



وبعد ما ربنا يهديه ليها ويلاقيها



يقعد يغير فيها




وأحيانا بيوصل تغييره ليها إنه يطمس حتى الصفات اللي كانت عاجباه فيها أصلا



يعني واحد نفسه يرتبط بواحدة تكون
عندها شخصية وكلامها من دماغها


وبتفهم
وليها وجهة نظر في الحياة


ويقعد
يا حرام يقابل في بط بلدي


ويقول
لالالالا


أنا عايز وزة بيضا كده



معتزة بنفسها ورقبتها عالية



وبتعمل دوشة في كل حتة



)



وسبحان الله لما ربنا يبعتله الوزة
اللي كان بيدور عليها


يقعد
يبوظ فيها


يغير لونها



يصبغه يخليه إسود




تقوله ما تخليني بيضا زي مانا


يقولها
أنا معنديش وز يتكشف على حد


يا عم
هو أنا كنت بقلع ريشي؟؟


ومع
كثييييييييييير من الضغط وقليل من الملاطفة




وعلى رأي المثل


كله بالحنية بيفك



يا عيني الوزة تقول معلش يمكن يكون فعلا كده أحسن



وشوية يقولها ما تبطلي دوشة



دكر الوز بس هو اللي المفروض يكاكي




تقوله ماشي نبطل المهم إنت ترضى يا دكري




ماهي يا حرام بتحبه


وكل ده تشيل في
نفسها وتضغط علي روحها


وحاطة
علي منقارها كمامة


بس كل فترة بيطلع
منها غصب عنها كام كاااااااااك


ماهي مش
بإيدها ،، دي وزة يا ناس


والوزة
بتقول إييييييييه؟؟ بتقول كاااااااااك




يقوم دكر الوز بتاعها يقولها وكمان بتقولي كاك؟؟




وبصوت عالي؟؟؟؟


إنتي عمرك ما هتتغيري



إنتي كده مافيش فايدة فيكي



يا عم غصب عني


يا عم
بحاول أهو


مفيش




ولا حياة لمن تكاكي


وهو مش حاسس إنها
كانت قافلة منقارها بقفل


وإن ده
خانقها وتاعب أعصابها وناتف ريشها


وشوية
تانيين لما من هبلها وطيبة قلبها


تروح
تراضي دكر الوز بتاعها


يقوم
يفهم إنها أضعف من إنها تبعد عنه


وإنه
لازم يكمل رسالته في تحويلها لبطة بلدي




يقوم يقولها طب مفيش خروج من العشة


وهو
كده وإن مكنش عاجبك روحي عشة تانية


يالهوي
يا دكري؟؟


بقى هي دي أخرتها؟؟



ولما تعترض وتقوله إنه كاتم علي منقارها



وإنها مش قادرة وخلاص تعبت




يقوم يذلها ويقولها


يخونك الفول و
العيش المبلول اللي زغطهوملك في كااااك دوور؟




هي حصلت لكده يا دكري؟؟



تعايرني؟؟


هو أنا عمري قلتلك علي
حاجة كنت عملتهالك؟؟


يقولها
أنا مش بعايرك أنا بس بفكرك بجمايلي


هو
إحنا بينا كده يا دكري؟


ولو
إتكلمت يبقى مش بيطمر فيها ودايما نكارة خير




واللي يغيظ أكتر بقى


إنه
فاهم إنه مش بيغيرها


وإنه بس
بيصلح الحاجات الوحشة اللي فيها


يا عم
ومين قالك إن الوزة عايزة تتغير؟؟


وحتى
لو هتتغير، يبقى تتغير بمزاجها


يقول
وأنا يعني كنت بضغط عليها؟؟


يا سيدي
ماهو انتقاداتك ليها ضغط


خصامك
ليها ضغط


طول النهار تزعق وتكاكي
وتسمع العشش اللي جنبيكو ده ضغط


وهو
يعني الوزة عايزة إيه غير شوية هدوووووووء وراحة بال




وعشة صغيرة وكتاكيت حلوين


حلم
عادي يعني بتحلم بيه كل الوزاويز اللي في سنها




تقوم إنت تضغط عليها كده؟؟


عشان
عرفت إنها عايزاك وبتحبك؟


ماهي
هتنفجر ومش هتبقى لا وزة ولا بطة ولا حتى فرخة بيضا




ويمكن تطفش وتسيبلك المزرعة كلها


وزي
المثل ما بيقول


وزة في اليد خير من ألف
بطة ع الشجرة


إيه ده؟؟هو في بط ع
الشجرة؟