حكايات بنات :]

السوااااااااااد

السواد تقريبا من اكتر الحاجات اللي مخسرانا ناااااااااااااااااااااااس كتيره
تقريبا انا شايفه الصفه دي اكتر في البنات عن الشباب
جوانا سواد من بعض ازاي ابقي بكره واحده وبعاملها حلو جدا
ازاي ابقي حابه اكون زي واحده اتصنع صفاتها وتقاليدها وكل حاجه
ازاي ابقي منفسنه من واحده
يا جماااااااعه والله مفيهاش حاجه لما تقوللها انا بكرهك كتييييير
اي نعم احرااج بس احسن من اني اكون بتعامل منيح وفجاه تمشي او تروح واتكلم مع رفيقتي
انا مش بتكلم عن حد معين انا بتكلم عن مشكله شايفاها في معظم البنات
ده شله البنات الاصحاب بيكونوا في سواد وغل من بعض
صدقوني علي قد ما هنصارح الناس باللي جوانا علي قد ما هنبقي صافييين
معلش مفيش بنت مش كده دي حقيقه ولازم نعترف بيها
ده حتي الكبار في السن نمامين بجد شئ بشع جدا
صدقوني البنت الي بتبان وحشه انها كاره دي ودي انضف بكتييييييييير من واحده كاتمه
علي قد ما الشباب بيعملوا حاجات مش حلوه كتييييييييييير علي قد ماهما صافين من جوه لبعض

الحياه راح تكون حلوه اذا عشناها بصراحه بلاش توهم نفسك بحاجه هيا مش فيك صارح الناس
وخليهم يحبوك

الخوف
فكرت الخوف شئ مرعب جداااا
انك تبقي خايف من حاجه .
خايف حد يبعد عنك وتبقي وحيد
خايف انك تواجه حد
خايف انك تدخل في تجربه
خايف تعمل شئ خايف من سقوطه او فشله
واجه وحب و ادخل في تجربه
فشلت نجحت اسمها جربت واتعلمت
بدل ما تفضل قاعد زي ما انت لا بتكسب خبره ولا بتستفيد
لازم نستفيد من فشلنا مش نزعل وبس صدقني حياتك هتتطور

متخفش من بكره بكره فيه حاجات حلوه علي قد ما مليان حاجات تخوف علي قد مافيه حاجات تفرح

جمال الروح مش كفايه الان الانسان بيشوف بعنيه قبل ما يشوف بعقله وقلبه

النسياااااااااااااااان

احيانا بحس ان النسيان نعمه ربنا ادهالنا اكيد مش في كل حاجه
الانسان بيتعرض لمواقف بيحتاج فيها انه ينسي
سواء ينسي مواقف من ناس بيحبهم علشان حبه ليهم يكمل
مواقف بين اصحاب ومحتاج ينسي علشان العلاقات تكمل
مش بس مواقف
احنا بنحتاج ننسي اشخاص اشخاص اتسببوا في اذى لينا
ممكن من بعديها منقدرش نكمل
النسيان ده نعمه بجد

النسيان يتغير لو استخدمناه في مكان متغير النسيان ده نعمه لو استخدمناه في المكان الصحيح

الأنااااااااااااااااانيه
صعب قوووووي ان الانسان يشعر انه اناني
مفيش حد تقريبا فاكر انه اناني
تقريبا دي اكتر مشكله بتواجهني او بتواجهنا كلنا
احساس بشع اوووووي انك تبقي حاسس ان اللي جمبك اناني
ليه كل واحد ما يعترفش انه اناني
ليه لو روحت قولتلوهم انهم كده يزعلوا
طيب حاولوا تغيروا من نفسكم حاولوا متبقوش انكم انانين تبقوا احسن
الانانيه مش انك تبقي عايز حاجه من حد وبس
الانانيه ان شخص يجبرك انك لازم تبقي معاه
الانانيه ان شخص بيحاول يخلي الناس كلهم منظرهم سئ وهو الافضل
الانانيه انك تبقي عايز كل حاجه من غير ما تخسر
صدقني الشخص الاناني واللي مش بيغير من نفسه شخص بيتكره او مكروه
الانانيه ان شخص يشوف نفسه صح طول الوقت مبيغلطش واللي حواليه بيغلطوا
الانانيه انك تقرب من حد وهو مش حاسس بيك ولا مقدرك
الانانيه ليها مفاهيم كتيييييييييره جدا ويمكن مفهومها مبينتهيش
بس اللي متاكده منه انها حاجه بشعه وحاولوا تتخلصوا منها

الأنانيه باختصار منبع وملخص الاخطاء

حاول كده تقعد مع نفسك 10 دقائق شوف كام واحد بيحبك بجد سواء اب ام اخت اخ حبيب صديق وقالك علي عيوبك وحاول غير من نفسك

الحيـــــــــــــــــرهـ

ياجماااااعه الحيره يمكن من اكترالحاجات اللي ممكن تقتلنا بس احنا مش حاسين
الحيره بتواجهنا كل يوم
ممكن الحيره هيا حياتنا
الحيره في انك تتقدم لخطوه
الحيره انك تاخد قرار
الحيره اساسا عباره عن قرار
شوف كده كل حاجه في حياتك بتبقي محتاج لقرار بتحتار تاخده ولا لا
ممكن نخس عن طريق قرارنا
وفي نفس الوقت ممكن نكسب حاجات كتير
نقطه الخوف من ان احنا ناخد القرار سواء صح اوغلط
ممكن لما ناخد قرار نكسب حااجات كتير
تكسب نفسك ودي اهم حاجه
تكسب ثقه . تكسب سعاده .حب
وممكن تخسر
نفسك او اشخاص وتفقدهم .كرامتك .احساسك
علي قد ما هتخسر علي قد ما هتكسب وربنا مش هيسيبك ربنا معاك طول الوقت
صدقني بعد ما هتاخد القرار سواء صح او غلط هتحس براحه هتحس بثقه في نفسك
كفايه انك اخدت قرار شوف الصح من وجهة نظرك واعمله متنتظرش من حد يقولك لا
اسمع اوكيه بس لو معجبكش الكلام سيبك منه وخد قرار

أي قرار بناخده ممكن يطلع صح… وممكن يطلع غلط …لكن بنحس بعده براحة لانه خلصنا من الحيرة.

الحب

الحب ده من احسن الحاجات اللي بنعتبرها موجوده في حياتنا
علي الرغم انا مخالفه للراي ده
وان الكره والحب ده عباره عن وهم عقلنا وتفكرينا صوره علشان نفضل عايشين
علشان تبقي الحياه فيها حاجه متمسكين بيها
مش شرط ان اللي بتحبه يكون انسان
ممكن شغل ممكن بيت ممكن روتينك اومشروع
انا في نظري ان الحب ده شئ بتقنع نفسك بيه
حاول كده تقنع نفسك بالحاجه اللي انت كارهها وحبها هتحبها
ده مجرد اقناع وهم زي ما قولت في الاول
خليناه احنا اشخاص او حاجات
علشان كده حاول تحب الحاجات اللي انت كارهها وصدقني مش هتتعب في حياتك

حب نفسك حب اللي حواليك وصدقني هتنجح وتعيش سعيد

المـــــــــــــــــوت
فكرت الموت دي بشعه جداااا
بمجرد انك تفكر فيها بتتعب
مش انك تفكر في موتك وبس
ان حد بتحبه اووي وقريب منك هتفتقده
مش بتبقي قادر تصدق او تستوعب الفكره دي
بالرغم ان ده هيحصل بس المشكله في فكرته
اب او ام او اخ او صديق مش متخيل انهم يبعدوا
او ميبقوش موجودين تاني في حياتك فكرت انك
مش هتشوفهم تاني ابدا
الموت ده عامل زي العفريت او الوحش عاوز
ياخد مننا الحاجات اللي بنحبها بدون اي مقدمات
بس اللي لازم تبقي عارفه ان ربنا مش هيسيبك
وهيبعتلك ناس تعوضك عن الناس اللي راحت
علي الرغم ان احنا مش هنعرف ننساهم وهيفضلوا في قلوبنا

طول ما احنا عايشين هنفقد ناس و نفتقدهم , لكن أحيانا كتير ربنا بيبعتلنا الى يعوضنا

» صور بنات نانسى عجرم صور بنات الفنانة نانسى عجرم 2018
» بنات اليوم لا يصلحن زوجات
» قبل السينما الفيلم اللبناني سكر بنات ديفيدي كواليتي
» فيلم بنات وموتسكلات صورة بجودة عالية
» حصريا فيلم بنات وموتسيكلات Vcd Quality بمساحة[365Mb] أكثر من سيرفر

حكايات بنات :]

حكايات بنات :] :: تعاليق

جمال الروح مش كفايه الان الانسان بيشوف بعنيه قبل ما يشوف بعقله وقلبه

حكايات بنات :]

مواضيع مماثلة

مواضيع مماثلة